जीमेलसाठी प्रिव्ह्यू पेन कसा सुरु करायचा?

सेटिंगचे जे ‘गिअर’चे चिन्ह आहे, त्याच्या डाव्या बाजूस आपणास प्रिव्हू पेन संदर्भातील पर्याय दिसून येतील. जीमेलमध्ये प्रिव्हू पेन हे ‘स्प्लिट पेन’ म्हणून ओळखले जाते. याहू, आऊटलूक प्रमाणेच जीमेलमध्ये देखील प्रिव्हू पेनचे दोन मोड आहेत. एक आहे व्हर्टिकल स्प्लिट आणि दुसरा आहे हॉरिझॉन्टल स्प्लिट. मी स्वतः चित्रात दाखवल्याप्रमाणे व्हर्टिकल स्प्लिटचा वापर करतो. वरील चित्र मोठ्या आकारात पाहण्यसाठी चित्रावर क्लिक करा. मला वाटतं व्हर्टिकल स्प्लिट हे हॉरिझॉन्टल स्प्लिटपेक्षा अधिक सोयीचे आहे. याव्यतिरीक्त नो स्प्लिटचा देखील एक पर्याय देण्यात आला आहे, ज्यामुळे प्रिव्हू पेन दिसत नाही. आपण व्हर्टिकल स्प्लिट, हॉरिझॉन्टल स्प्लिट आणि नो स्प्लिट यांदरम्यान आपल्या ईमेलचा एकंदरीत इंटरफेस केंव्हाही बदलू शकाल. आपणास प्रिव्हू पेनचा आकार देखील बदलता येतो. जिथे आलेल्या ईमेलची यादी आणि प्रिव्हू पेन विभक्त होतात त्या रेषेवर आपल्या माऊसचा कर्सर आणा (चित्रात पहा) आणि लेफ्ट क्लिक दाबून ठेवत प्रिव्हू पेनचा आकार बदलण्यसाठी माऊस डाविकडे किंवा उजवीकडे हलवा.

प्रिव्हू पेनमुळे आपल्या वेळेची बचत होते आणि आपणास आलेले ईमेल हाताळणे देखील सोपे जाते. आपणास जर अनेक मेल येत असतील, तर प्रिव्हू पेन सुरु करायला हरकत नाही.